Delter Cold Drip 冰滴壺

相信大家都有聽過有Delter Press呢件產品，今次Delter Cold Drip都係由Delter 公司創作同設計。而今次Delter Cold Drip主打兩個功能就係唔會堵塞，同埋穩定流速

流速穩定

首先就穩定流速方面，Delter Cold Drip放棄咗傳統嘅單一儲水系統，改為三層設計。令到滴水嘅過程中每一層嘅壓力變化減到最細 加上每一層都有大小精確嘅孔洞畀水流通過，流速因此非常穩定。

而我哋分別測試過三次佢一分鐘內嘅流速，每一分鐘水滴大約68-70滴。平均一滴1.15秒 (亦都符合官方宣傳大約一秒一滴的功能)

唔會堵塞

就唔會堵塞嘅方面，最大原因係Delter Cold Drip放棄咗傳統水閘而採用咗三層單一孔Design。呢個設計令到最底嗰層永遠保持有水嘅狀態，加上每一層都會有特別預留嘅孔洞透氣，令到成個冰滴壺嘅壓力變化減到最細，從而改善咗因為壓力差而產生嘅堵塞問題。

為咗開呢件產品特登試咗一個下晝，成個感覺真係好鬼方便。傳統冰滴壺經常因為水位不同而需要調節流速，有陣時仲可能因為堵塞問題，滴滴下停咗(真係人都癲)

但基本上Delter Cold Drip我就咁放喺度冇掂過佢，幾個鐘之後就已經可以飲。加上原廠嘅金屬濾網過濾得幾乾淨 可以一眼望到底。

最抵死係佢連裝粉個位都做咗可拆式設計，大家用完一嘢倒垃圾桶就ok。

就做工方面都幾靚仔，個玻璃下壼非常之厚身，都唔見有任何氣泡

唯一唔好處就係原廠沒有跟原裝paper，但大家用嗰陣時可以用aeropress paper，佢裝粉個位係完全一模一樣size。(適合強迫症用家) 你亦都可以加多一個不銹鋼濾網

立即入手：https://www.entreboxhk.com/shop/delter-cold-drip/