啲人成日話磨豆要追求均勻，但背後嘅原理係啲咩呢？
手沖冠軍點解會選用ZP6而唔係其他手磨？今日就用一個post嘅時間話俾你知啦

好多世界賽選手都傾向用幼研磨去提高咖啡豆萃取率，同令風味更突出。
但磨幼好容易造成細粉過多，變相雜味會多咗。

想風味更加飽滿提升，一部少細粉、研磨均勻嘅磨豆機就好重要喇

先嚟定義下【研磨均勻】：
係指研磨過後嘅咖啡粉徑分佈平均，每粒粉嘅大小相若。

唔同研磨大小嘅粉徑，都有唔同特性同功效，係同一流速同溫度下:

【粗顆粒】
水流過嘅速度會較快，粉粒被熱水萃取嘅物質就越少，
容易萃取不足(under extraction)， 沖出來嘅咖啡口感顯得淡薄，
整體咖啡飲落濃度都比較低。

【細顆粒】
熱水流過粉粒嘅速度比較慢，提高每粒粉嘅萃取率，
咖啡濃度會大大增加，風味亦更容易展現出嚟。
不過與此同時，過萃（over extraction）嘅機會都會多咗。

【研磨均勻有咩好處？】
想調整咖啡嘅風味，首先要有均勻嘅萃取，
一部高均勻度嘅磨豆機就可以為咖啡嘅調整定下基礎，
讓咖啡師可以慢慢用唔同嘅手法技巧去沖煮更多更豐富嘅味道。

23年手沖比賽冠軍選擇嘅手磨— ZP6，
特性就係專為手沖咖啡而設，有一個高嘅均勻度，
粉徑分佈非常集中，細粉少，可以更加容易去調節
造出自己理想嘅風味

一部研磨均勻嘅磨豆機唔代表沖出嚟一定好飲啲，
但一定可以俾你有空間去開發更多玩法，
邁向更高嘅高度！

當然手磨嚟講除咗ZP6都仲有好多選擇，（題外話ZP6最近升級咗做ZP6S
令佢係手沖方面更佳無敵！）
但如果有興趣深造你嘅手沖咖啡水準，ZP6都係公認幾唔錯嘅選擇

1Zpresso ZP6 S 特仕版 競賽手搖磨豆機（一年保養）