Timemore FISH Smart 智能溫控壺（行貨一年保養）

外形造工

好坦白Timemore Smart呢個溫控壺個外型真係做得幾好，時尚大氣，手柄上都有金色嘅點綴(完全掌握到男士對於黑金嘅追求)一啲都唔老土。

600蚊嚟講佢嘅造工算係幾細緻，機身上色均勻，壼嘴都算工整，我個人非常收貨

用家體驗

大家睇開我啲文就知道，我係好唔鍾意溫控壺底座過大嘅，因為真係非常之佔位

但Timemore呢個就夠晒靚仔，正方形薄身底座，除此之外仲採用咗類黑鏡嘅設計。佢用一體式輕觸屏幕控制溫度，屏幕仲會顯示當下壺內溫度，方便用家控制水溫。

另外佢同Fellow一樣識自動恆溫，就算你拎起咗之後放返落底座佢都識得保存溫度(非常人性化)
值得一提嘅係佢整體手感非常輕巧，重心喺手掌上面，而且壺嘴經過特別設計，新手冇練過都可以簡單控流，唯一唔太好就係做唔到一啲大水流沖法。

最後講下壺蓋，Timemore做咗一個隱藏式出氣孔設計，避免大家被蒸氣燙傷(呢個又係幾貼心，我一年交唔少學費)。亦都加裝了矽膠圈，防止壺蓋輕易甩出嚟 不過呢個設計唔好個位就係個蓋比較難掹

立即入手：

https://www.entreboxhk.com/shop/timemore-fish/