濾紙唔係淨係一塊紙咁簡單，佢嘅厚薄、皺紋同密度真係會搞亂你嘅咖啡體驗㗎！今日就用包括Hario、Kono同CAFEC嘅T83、T90、T92，想同大家講講佢哋點樣影響你杯咖啡嘅流速同風味，仲有啱用咩豆沖最好。

濾紙特性

濾紙	厚薄	皺紋設計	密度
Hario V60	較厚	雙面皺紋	中等
Kono	最薄	較多孔，較粗糙	中等至高
CAFEC T92	較薄	內側能減慢流速，外側促進咖啡液流出	高
CAFEC T90	較厚	內外側凹凸設計	低
CAFEC T83	中等	內外側有幅度較低的凹凸設計	中等

流速影響

●Hario V60：流速適中，適合控制明亮風味。
●Kono：流速快，適合快速提取濃郁口感。
●CAFEC T92：流速慢，適合延長提取花香。
●CAFEC T90：流速快，平衡提取效率。
●CAFEC T83：初快後慢。

點樣有呢種情況

濾紙影響流速嘅原因主要同佢嘅物理特性有關，包括厚度、密度同皺紋設計。

●厚度：濾紙越厚，水流阻力越大，流速就越慢；越薄，水流阻力少，流速就快。
●密度：密度高嘅濾紙孔隙細，水流慢；密度低嘅孔隙大，水流快。
●皺紋設計：皺紋多會增加水同濾紙嘅接觸面積，幫助水流更均勻，但如果皺紋低，流速可能初快後慢。

風味影響

●Hario V60：味道比較苦，突出明亮同清爽，減少紙味
●Kono：香氣突出，乾净但是果味不明顯，較重口感，濃郁同甜感突出
●CAFEC T92：花香突出，乾淨口感
●CAFEC T90：果味，平衡豐富
●CAFEC T83：增強濃郁同甜感

點樣搭配濾紙、濾杯同咖啡豆

1. 濾紙同濾杯嘅搭配

有時候買到一個流速比較慢的濾杯，就可以選一個流速快的濾紙搭配，比如KONO

2. 塞水問題

淺焙豆後期易塞水，如果用CAFEC T92或Hario覺得慢，換CAFEC T90或Kono濾紙，快流速避免堵塞，保持花香但唔過萃。

3. 醇厚口味嘅實現

慢流速濾紙（如CAFEC T83或T92）加低水溫（85-88°C）係最佳組合。慢流速延長萃取時間，抽出更多油脂同甜味，低水溫減少酸感同苦味，特別適合深焙豆。

最後大家可以根據自己平時飲開咖啡豆以及鍾意嘅風味選擇適合的濾紙啦。無論你係鍾意清爽花香定濃郁甜感，呢份報告會幫你搵到最啱嘅濾紙同豆配搭，沖出一杯啱心水嘅咖啡。